1 րոպեի ընթերցում
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը կդառնա Esquire հանդեսի մայիսյան համարի հերոսը, որը թողարկելու Է ապրիլի 24-ին: Ինչպես տեղեկացնում Է «Արմենպրես»-ը, դրա վերաբերյալ տեղեկատվություն Է հրապարակված Facebook-ում ՌԴ դիվանագիտական գերատեսչության պաշտոնական ներկայացուցիչ Մարիա Զախարովայի, ինչպես նաեւ բուն հրատարակության Էջերում:
Esquire-ի լրագրողը շնորհակալություն Է հայտնել նախարարության ներկայացուցիչներին երկու ամիս ԱԳՆ-ում որպես այսպես կոչված պրակտիկանտ աշխատելու եւ կողքից դիանագետներին կյանքին հետեւելու հնարավորության համար:
Սոցիալական ցանցում Esquire-ի Էջում բերված հատվածում պատմություններ են ներկայացված լրագրողների հետ Լավրովի ուղեւորությունների մասին: Մասնավորապես, այն հարցին, թե Լավրովին ինչպես Է հաջողվում նման հագեցած աշխատանքային գրաֆիկի պայմաններում պահպանել ֆիզիկական լավ վիճակը, նախարարը պատասխանել Է. «Եթե անկեղծ ասեմ, բանը գեներն են: Շնորհակալություն հորս ու մորս: Դե նաեւ մի քանի մանրուքներ՝ ձգումներ ամեն առավոտ, վելոտրենաժորը եւ ֆուտբոլը կիրակի օրերին, եթե հաջողվի», հաղորդել Է ՏԱՍՍ-ը: