1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Սերժ Սարգսյանի կյանքում ամենածանր օրերը եղել են մինչև երկրի ղեկավար դառնալը: Ինչպես հաղորդում է «Արմենպրես»-ը, Արցախում մշակութային գործիչների հետ հանդիպման ժամանակ ՀՀ Նախագահ Սերժ Սարգսյանը նշեց, որ իր կյանքի ամենածանր շրջանը եղել է 1992թ-ի աշունը:
«Պետք էր որոշում կայացնել, որտեղ տալ ամենավճռական մարտը: Երկու ուղղությամբ էին գալիս ադրբեջանցիները՝ Ասկերանի և Մարտակերտի»,- նշեց Սերժ Սարգսյանը:
Նրա խոսքով` մտորումներից հետո որոշվել է պահել Ասկերանը, որովհետեւ երկու ուղղությամբ էլ հնարավոր չէր:
«Ծանրությունը չէ, որ մարդուն կաշկանդում է, նեղում: Մարդուն նեղում է որոշում կայացնելու գործընթացը»,-ընդգծեց Նախագահը` ավելացնելով, որ բերկրանքի պահեր շատ է ապրել: