1 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Պորտուգալիայի ամբողջ տարածքով բռնկված անտառային հրդեհի մարման աշխատանքներում ներգրավված է ավելի քան 4400 հրշեջ: Այս մասին հաղորդում է «Արմենպրես»-ը` հղում կատարելով «Ռիա Նովոստի»-ին:
Պորտուգալիայի «Քաղաքացիական պաշտպանության կազմակերպություն»-ը հաղորդում է, որ բռնկված հրդեհը մարելու համար գործի են դրվել 32 ինքնաթիռներ և գրեթե 1500 հրշեջ մեքենաներ: Հրշեջ ծառայության աշխատակիցների կողմից արձանագրվել է կրակի բռնկման 700 օջախ: Դրանցից առավել խոշորները գտնվում են Ավեյրու քաղաքի մոտակայքում:
Հրդեհը հիմնականում տարածվում է սոսիների ծառաշատ վայրերում: Առայժմ հրդեհներից տուժածների մասին տեղեկություն չի հաղորդվում: