Ալի Խամենեին բացառել Է ԱՄՆ-ի հետ համագործակցությունը Մերձավոր Արեւելքի ճգնաժամի շուրջ

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Իրանի հոգեւոր առաջնորդ այաթոլլա Ալի Խամենեին բացառել Է Վաշինգտոնի հետ ցանկացած համագործակցություն Մերձավոր Արեւելքի ճգնաժամի շուրջ, նշելով, որ ԱՄՆ-ը մնում Է Թեհրանի հակառակորդը: Այդ մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը՝ վկայակոչելով տեղի հեռուստատեսությունը:

«Իրանի նկատմամբ ԱՄՆ-ի թշնամությունը շարունակվում Է Իսլամական հեղափոխության ժամանակներից (1979 թվական)»,-հայտարարել Է Խամենեին: «Մենք ԱՄՆ-ի հետ չենք համագործակցի տարածաշրջանային ճգնաժամի շուրջ»,-հավելել Է նա:

Իր ելույթի ընթացքում Իրանի հոգեւոր առաջնորդը նշել Է, որ Մերձավոր Արեւելքում Վաշինգտոնի նպատակները «180 աստիճանով հակառակ են» Թեհրանի նպատակներին, հաղորդել Է ՌԻԱ Նովոստին: