Հանրապետությունում առաջիկա օրերին սպասվում է փոփոխական եղանակ

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Հանրապետության տարածքում փետրվարի 18-ին, 21-ին սպասվում է առանց տեղումների եղանակ, 19-ին արևելյան շրջաններում, 20-ին, 22-ին շրջանների մեծ մասում սպասվում են տեղումներ: Քամին արևմտյան՝ 2-7 մ/վրկ արագությամբ: Ինչպես «Արմենպրես»-ին տեղեկացրին ՀՀ ՏԿԱԻՆ հիդրոօդերևութաբանության և մոնիտորինգի պետական ծառայությունից, օդի ջերմաստիճանը 19-ի ցերեկը Լոռիում, Տավուշում, Սյունիքում և Արցախում կնվազի 8-10, մնացած շրջաններում՝ 4-5 աստիճանով:

Երևանում փետրվարի 18-19-ը, 21-ին սպասվում է առանց տեղումների եղանակ, 20-ին, 22-ին սպասվում է անձրև: Փետրվարի 18-ի ցերեկային ժամերին մայրաքաղաքում կգրանցվի +18 աստիճան, փետրվարի 19-ին` +13, փետրվարի 20-22-ին` +11 աստիճան: