1 րոպեի ընթերցում
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը, որը շրջագայություն Է կատարում Աֆրիկայի երեք երկրներում, ամենից ավելի զգուշանում Է ոչ թե ահաբեկչական գործողություններից, այլ մալարիայի մոծակներից, տեղեկացնում Է «Արմենպրես»-ը: Ինքնաթիռում լրագրողների այն հարցին, թե ինքը չի անհանգստանում արդյոք անվտանգության խնդիրների պատճառով, քահանայապետը պատասխանել Է. «Ճիշտն ասած, ես ամենից ավելի անհանգստանում եմ մոծակների պատճառով: Իսկ դուք սփրեյ վերցրե՞լ եք»: Նոյեմբերի 26-ին նրա խոսքը մեջբերել են Քենիայի զանգվածային լրատվամիջոցները, որը դարձել Է շրջագայության առաջին երկիրը:
Հռոմի պապը նաեւ կայցելի Ուգանդա եւ Կենտրոնաֆրիկյան Հանրապետություն (ԿԱՀ): Վեցօրյա ուղեւորության գլխավոր նպատակը քրիստոնյաների եւ մահմեդականների հաշտեցումն Է, ինչը բարդացել Է Եվրոպայում եւ Աֆրիկայում ահաբեկչության վերջին բռնկման պատճառով:
«Ես ուրախությամբ եմ մեկնում Քենիայի, Ուգանդայի եւ ԿԱՀ-ի եղբայրների մոտ: Հուսանք, որ ուղեւորությունը կտա արդյունքներ՝ հոգեւոր եւ նյութական»,- ասել Է Ֆրանցիսկոսը, հաղորդել Է ՏԱՍՍ-ը:
Լուսանկարը` AP