ԱՀ վարչապետը ՀՀ ԱԳՆ դիվանագիտական դպրոցի ուսանողներին ներկայացրել է երկրի տնտեսության հիմնական ուղղությունները
4 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետության վարչապետ Արայիկ Հարությունյանը հոկտեմբերի 9-ին ընդունել է ՀՀ ԱԳՆ դիվանագիտական դպրոցի ուսանողներին՝ դպրոցի տնօրեն, դեսպան Վահե Գաբրիելյանի գլխավորությամբ:
Ինչպես «Արմենպրես»-ին տեղեկացրին ԼՂՀկառավարությանաշխատակազմի տեղեկատվության և հասարակայնությանհետկապերիբաժնից, վարչապետը ողջունել է հյուրերին՝ կարևորելով ավանդույթ դարձած այցերն Արցախ: «Ուրախալի է, որ մեր ապագա դիվանագետներն Արցախում ծանոթանում են երկրի ձեռքբերումներին և խնդիրներին, ինչը թույլ կտա ձեզ ավելի արդյունավետ կերպով ներկայացնել մեր շահերը դիվանագիտական ճակատում: Այժմ Ադրբեջանն ավելի ագրեսիվացրել է իր վարքն առաջնագծում, որը զսպելու ուղղությամբ կիրառվում են թե՛ ռազմական, թե՛ դիվանագիտական միջոցներ: Բնականաբար, ցանկալի է քաղաքական գործիքակազմով կանխել էսկալացիան և կարգավորել հիմնախնդիրը. այդ պատճառով ձեր մասնագիտական զարգացումը կարևոր է մեզ համար»,- ասել է Արայիկ Հարությունյանը:
Ուսանողների տարաբնույթ հարցերին ի պատասխան՝ վարչապետը ներկայացրել է տնտեսության հիմնական ուղղությունները, մարտահրավերներն ու առաջիկա ծրագրերը:
Աշոտ Ղուլյանը ՀՀ ԱԳՆ դիվանագիտական դպրոցի ունկնդիրներին է ներկայացրել Արցախին վերաբերող հարցերի լայն շրջանակ:
Հանդիպմանը մասնակցում էին ԼՂՀ Ազգային ժողովի արտաքին հարաբերությունների մշտական հանձնաժողովի նախագահի տեղակալ Դավիթ Մելքումյանը և ԼՂՀ ԱԳ փոխնախարար Ֆելիքս Խաչատրյանը:
ՀՀ ԱԳՆ դիվանագիտական դպրոցի ունկնդիրներին՝ հաստատության տնօրեն, դեսպան Վահե Գաբրիելյանի գլխավորությամբ, ընդունել է նաևԼՂՀ Ազգային ժողովի նախագահ Աշոտ Ղուլյանը:
Ինչպես «Արմենպրես»-ին տեղեկացրին ԼՂՀ Ազգային ժողովի մամուլի ծառայությունից, ողջունելով ներկաներին՝ խորհրդարանի նախագահը կարևորել է ապագա դիվանագետների այցն Արցախ ոչ միայն անձնական այլև` մասնագիտական տեսանկյունից: Այդ համատեքստում Աշոտ Ղուլյանն ընդգծել է հանրապետության քաղաքական դաշտում դիվանագիտության աճող նշանակությունը և հույս է հայտնել, որ երիտասարդ դիվանագետները Ղարաբաղ այցելելով և ծանոթանալով երկրամասին ու ժողովրդին` ավելի լավ կպատկերացնեն իրենց մասնագիտական անելիքները հետագայում:
Աշոտ Ղուլյանը Դիվանագիտական դպրոցի ունկնդիրներին է ներկայացրել Արցախում պետականաշինության գործընթացներին, օրենսդիր մարմնի՝ Ազգային ժողովի կառուցվածքին ու գործունեությանը, խորհրդարանական դիվանագիտությանը վերաբերող հարցերի լայն շրջանակ:
Այնուհետև` ուսանողները խորհրդարանի նախագահին հարցեր են ուղղել պետական կառավարման համակարգի, խորհդարանի քաղաքական կազմի և համազգային նշանակության հեռանկարային ծրագրերի մասին:
Հանդիպման ավարտին պատվիրակության ղեկավար Վահե Գաբրիելյանը շնորհակալություն է հայտնել ԼՂՀ ԱԺ նախագահին դիվանագիտական դպրոցի ուսանողներին ամեն տարի ընդունելու պատրաստակամության և նրանց հետաքրքրող հարցերին համապարփակ պատասխանելու համար:
Հանդիպմանը մասնակցում էին ԼՂՀ Ազգային ժողովի արտաքին հարաբերությունների մշտական հանձնաժողովի նախագահի տեղակալ Դավիթ Մելքումյանը և ԼՂՀ ԱԳ փոխնախարար Ֆելիքս Խաչատրյանը: