Զբոսաշրջությունից ստացվող Թուրքիայի եկամուտները նվազում են
1 րոպեի ընթերցում
![Զբոսաշրջությունից ստացվող Թուրքիայի եկամուտները նվազում են](http://armenpress.am/resized/480/static/news/b/2015/08/815500.jpg)
ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Թուրքիայի զբոսաշրջային քաղաքաներում գտնվող հյուրանոցները վերացրել են նախնական ամրագրման գործառույթը:
Այս մասին, ինչպես հաղորդում է «Արմենպրես»-ը, հայտնում է թուրքական «Միլիեթ» թերթը` հղում կատարելով Թուրքիայի տուրիստական գործակալությունների միությանը (TՆRSAB):
Դրա համար որպես պատճառ նշվում է Թուրքիայում վերջին ամիսներին ստեղծված անկայուն քաղաքական դրությունը:
Թուրքիայի վիճակգրական ինստիտուտն ավելի վաղ հայտնել է, որ 2015 թվականի երկրորդ եռամսյակում զբոսաշրջությունից Թուրքիայի եկամուտներն, անցյալ տարվա նույն ժամանակաշրջանի համեմատ, 13,8 տոկոսով կտրուկ նվազել են եւ կազմել 7,733 մլրդ դոլար:
Նշվում է, որ երկրորդ եռամսյակում զբոսաշրջությունից Թուրքիայում ստացված գումարային եկամուտների 5,95 մլրդ դոլար մասն ընկնում է արտասահմանյան զբոսաշրջիկներին, 1,77 մլրդ դոլար մասը` Թուրիքիայի քաղաքացիներին, որոնք բնակվում են արտասահմանում:
2014 թվականի զբոսաշրջությունից Թուրքիայի եկամուտները կազմել են 34,305 մլրդ դոլար, ինչը 6,2 տոկոսով ավելի էր 2013 թվականի համանման ցուցանիշից: