1 րոպեի ընթերցում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Արգենտինայի ազգային հավաքականի անդամ Լեո Մեսսին կարող է հեռանալ ազգային թիմից: Մեսսին դուր չի եկել, թե ինչպես են Արգենտինայի ազգային թիմի երկրպագուները վերաբերվել իր հարազատներին ֆուտբոլի Ամերիկայի գավաթի խաղարկության ավարտից հետո: Նշվում է, որ երկրպագուները եղել են շատ ագրեսիվ նրանց նկատմամբ:
«Արմենպրես»-ի հաղորդմամբ՝ France Football-ը գրում է, որ Մեսսին կարող է խնդրել Արգենտինայի ֆուտբոլի ազգային թիմի գլխավոր մարզիչ Խերարդո Մարտինեսին չհրավիրել իրեն ազգային թիմ` 2018 թվականի աշխարհի առաջնության ընտրական փուլի հանդիպումներին մասնակցելու համար:
Ամերիկայի գավաթի խաղարկության եզրափակչում Արգենտինայի հավաքականը մրցում էր Չիլիի ընտրանու հետ: Արգենտինացիները 1-4 հաշվով զիջեցին հետխաղյա 11 մետրանոց հարվածաշարի ժամանակ: