Համացանցում հայտնվել են iPhone 6S-ի լուսանկարները

ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Համացանցում հայտնվել են, ենթադրաբար, iPhone 6S-ի, որը պետք Է վաճառքի հանվի 2015 թվականի աշնանը, հետին ալյումինե կափարիչի նկարները: Ինչպես տեղեկացնում Է «Արմենպրես»-ը, լուսանկարները հրապարակել Է 9to5Mac ռեսուրսի ավագ խմբագիր Մարկ Գուրմանը:

Նկարների հեղինակը նշել Է, որ բացարձակապես բոլոր փոփոխությունները վերաբերել են սմարթֆոնի հետին կափարիչի ներքին կողմին:

Արտաքինից ապարատը մնում Է այնպիսին, ինչպես անցյալ տարվա մոդելն Էր: Համացանցը շարունակվում Է լցվել դիմերեսի Home կոճակի վերացման մասին լուրերով: Ենթադրյալ iPhone 6S-ի կափարիչում կառավարման բոլոր տարրերի բացվածքները, բռնկումով խցիկը, միկրոֆոնները եւ հարակցիչները մնացել են նախկին տեղերում:

Լուսանկարը` 9to5mac.com