ԱՄՆ-ում սկսել են կառուցել բիբլիական տապան՝ ռեստորանով

ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի Վիլյամսթաուն քաղաքում (Քենտուկիի նահանգ) սկսվել Է Հին Կտակարանի տապանի պատճենի շինարարությունը: Ինչպես հաղորդում Է «Արմենպրես»-ը՝ հղում անելով NBC Nwes-ին, նախագիծը պլանավորվում Է ավարտել 2016 թվականի ամռանը:

Կառույցի պատվիրատուն Answers in Genesis քրիստոնեական ընկերությունն Է: Կազմակերպության նախագահ Քեն Հեմի խոսքով՝ պլանավորվում Է, որ տարեկան տապան կայցելի մինչեւ երկու միլիոն մարդ: «Ես կարծում եմ, որ տապանը կդառնա երկրի ամենամեծ տեսարժան վայրերից մեկը»,- հայտարարել Է նա:

Հեմը նշել Է, որ շինությունը կառուցվում Է այն չափերի լիակատար համապատասխանությամբ, որոնք նկարագրված են Աստվածաշնչում: Ընդամենը տապանում կլինի չորս հարկ, իսկ դրա երկարությունը կկազմի 155 մետր: Առաջին երեք հարկերում կտեղավորվի Աստվածաշնչի պատմությանը նվիրված ցուցադրանքը, իսկ չորրորդում՝ ռեստորան:

Ապագայում տապանի մոտ կհայտնվի ժամանցի մի ամբողջ համալիր՝ Բաբելոնյան աշտարակով, առաջին դարի մերձավորարեւելյան բնակավայրի մակետով եւ մեծ կենդանաբանական այգով:

Լուսանկարը` AP