Արամ Ա-ն Նյու Յորքում հանդիպել է երիտասարդների հետ

3 րոպեի ընթերցում

ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Նյու Յորքի Ս. Լուսավորիչ առաջնորդանիստ մայր եկեղեցում թեմի երիտասարդական հանձնախմբի կազմակերպությամբ տեղի է ունեցել Ն.Ս.Օ.Տ.Տ. Արամ Ա Վեհափառ Հայրապետի հանդիպումը երիտասարդների հետ:

Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից:

Բացման խոսքից հետո ելույթով հանդես է եկել կաթողիկոսական փոխանորդ Անուշավան սրբազանը, ով ամփոփ ներկայացրել է հայ եկեղեցում սրբադասման արարողությունը և խոսել Հայոց ցեղասպանության նահատակների սրբադասման մասին:

Վեհափառ Հայրապետն իր խոսքում անդրարձել է հայ եկեղեցու դերին մեր ազգային իրավունքների պայքարում և Հայ դատին:

«Մեծի Տանն Կիլիկիո կաթողիկոսության անթիլիասական շրջանի պատմությունը դրոշմված է պայքարով` ի նպաստ մեր ժողովրդի արդար դատի: Երջանկահիշատակ մեր բոլոր հայրապետներն իրենց կարևոր նպաստն են բերել` հետապնդելով մեր ժողովրդի արդար իրավունքները: Մենք ևս, ոչ միայն շարունակեցինք այս աշխատանքը, այլև այն փոխադրեցինք իրավական դաշտ՝ Թուրքիայի պետության դեմ դատ բացելով ու պահանջելով Սիսի պատմական կաթողիկոսարանի վերադարձը: Այս դատն օրինական գործընթացի սկիզբ է, որին պետք է հաջորդի մեր ազգապատկան, եկեղեցապատկան ու վերջապես անհատական կալվածքների վերադարձի պահանջը: Սակայն, հարկ է լինել իրապաշտ, հեշտ չէ իրավական այս գործընթացը, որովհետև մեզ անհրաժեշտ փաստաթղթերն են պակասում: Նաև նկատի պետք է ունենալ, որ այս դատը քաղաքական բնույթ ունի, որ Թուրքիայի դիմաց անկանխատեսելի իրավիճակներ կարող է ստեղծել»,- նշել է Վեհափառ Հայրապետը:

Ապա նա նշել է միջկրոնական երկխոսության կարևորությունը. «Վերջին տասնամյակում ու հատկապես վերջին երկու տարիների ընթացքում տեսնում ենք կրոնի շահագործում մի շարք խմբավորումների կողմից: Այս երևույթը վտանգավոր հետևանքներ կարող է ունենալ: Հետևաբար, անհրաժեշտ է, որ մենք նոր թափով շարունակենք միջկրոնական երկխոսությունը, որպեսզի երկխոսության միջոցով կարողանանք փոխըմբռնման ու հանդուրժողականության եզրեր գտնել՝ աշխարհում խաղաղություն ու համերաշխություն ստեղծելու հեռանկարով»:

Ապա երիտասարդները հարցեր են ուղղել Վեհափառին, որոնց նա սիրով լուսաբանել է:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն