Ադրբեջանցի իրավապաշտպանի վիճակը բանտում կտրուկ վատացել է

1 րոպեի ընթերցում

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Բաքվի բանտում գտնվող ադրբեջանցի իրավապաշտպան Ինթիգամ Ալիևի առողջական վիճակի հետ կապված լուրջ խնդիրներ են ծագել: Ինչպես հաղորդում է «Արմենպրես»-ը` վկայակոչելով ադրբեջանական Contact.az-ը, այս մասին հայտնել է Ալիևի փաստաբան Ջավադ Ջավադովը:

Իր պաշտպանյալի հետ հանդիպելու նպատակով բանտ գնացած փաստաբանը չի կարողացել Ինթիգամ Ալիևին տեսնել, քանի որ վերջինս սուր ցավեր ունի մեջքի շրջանում: «Դա շատ մտահոգիչ տեղեկատվություն է: Ես պատրաստվում եմ համապատասխան դիմում ներկայացնել բանտ»,- ասել է Ջավադովը:

Հետաքրքրական է, որ Ադրբեջանի արդարադատության նախարարությունից որևէ մեկնաբանություն Ալիևի առողջական վիճակի հետ կապված չի տրվել:

Ինթիգամ Ալիևը ձերբակալվել է 2014 թվականի օգոստոսի 8-ին: Ծանր հանցագործություններ քննող Բաքվի դատարանը նրան դատապարտել է 7,5 տարվա ազատազրկման՝ տնտեսական խարդախություններ անելու հիմնավորմամբ: Իրավապաշտպանը հերքել է իր դեմ առաջադրված բոլոր մեղադրաներն ու հայտարարել, որ դրանք բոլորը քաղաքական հիմք ունեն:

Միջազգային իրավապաշտպան Amnesty International կազմակերպությունը Ինթգամ Ալիևին ճանաչել է որպես քաղբանտարկյալ:

Հայերեն

Խափանվել է ԱՄՆ Ազգային անվտանգության գործակալության գաղտնի կապի համակարգը․ լրատվամիջոց

Կայացել է «Հարավկովկասյան երկաթուղու» կառավարման արդյունավետության հետ կապված խնդիրները քննարկելու նպատակով ստեղծված աշխատանքային խմբի առաջին հանդիպումը

ԱՄՆ-ում դադարեցրել են երթուղիչների տեղադրումը՝ օդային հաղորդակցության համակարգում խափանումից հետո․ լրատվամիջոց

«Ֆոտոլուր»-ը հաղթել է հեղինակային իրավունքի խախտման առնչությամբ դատական գործում

Միացյալ Նահանգները նախատեսում է մինչև դեկտեմբեր որոշում կայացնել Եվրոպայում իր զորքերի ներկայության վերաբերյալ

Եմենում առնվազն 9 մարդ է զոհվել արաբական դաշինքի հասցրած հարվածներից

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում