Հանրապետությունում սպասվում է փոփոխական եղանակ

ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Հանրապետությանտարածքում մայիսի 13-15-ին ժամանակ առ ժամանակ շրջանների զգալի մասում սպասվում է անձրև և ամպրոպ, հնարավոր է կարկուտ, ամպրոպի ժամանակ սպասվում է քամու ուժգնացում՝ 15-20 մ/վրկ արագությամբ, մայիսի 16-17-ին սպասվում է առանց տեղումների եղանակ: Ինչպես «Արմենպրես»-ին տեղեկացրին ՀՀ ՏԿԱԻՆ հիդրոօդերևութաբանության և մոնիտորինգի պետական ծառայությունից, օդի ջերմաստիճանը մայիսի 13-15-ին էապես չի փոխվի, 16-17-ին կբարձրանա 3-5 աստիճանով: Քամին հարավարևմտյան՝ 5-10 մ/վրկ արագությամբ:

Երևանում մայիսի 13-15-ին ժամանակ առ ժամանակ սպասվում է անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վրկ արագությամբ, մայիսի 16-17-ին սպասվում է առանց տեղումների եղանակ: Մայիսի 13-15-ի ցերեկային ժամերին մայրաքաղաքում կգրանցվի +22 աստիճան, մայիսի 16-ին՝ +25, մայիսի 17-ին՝ +27 աստիճան: