1 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: ԱՄՆ-ի Նախագահ Բարաք Օբաման մեկ տարով երկարաձգել է պատժամիջոցները Սիրիայի կառավարության հանդեպ: Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, այս մասին նշվել է Սպիտակ տան ղեկավարի՝Կոնգրեսի երկու պալատներինհղված ծանուցման նամակում: Նշվել է, որ 2004թ.-ի մայիսի 11-ին ԱՄՆ-ի Նախագահ Ջորջ Բուշն ստորագրել է հրաման, համաձայն որի՝ կալանքի տակ է դրվել որոշ մարդկանց սեփականությունը, բացի այդ, որոշ ապրանքների արտահանումը Սիրիա արգելվել է: «Նախագահը նման քայլեր է ձեռնարկել, քանի օր սպառնալիք կար ԱՄՆ-ի ազգային անվտանգության, ներքին քաղաքականության և տնտեսության համար»,- ասվել է նամակում, որտեղ ընդգծվել է, որ Սիրիայի ղեկավարության գործողությունները ապակայունացնում են տարածաշրջանը: Վաշինգտոնը կրկին մեղադրել է Սիրիայի իշխանություններին իր քաղաքացիների վրա ճնշում գործադրելու համար: