Արամ Ա-ն Ցեղասպանության տարելիցի առիթով զորակցություն է ստացել Սերբիայի դեսպանից
1 րոպեի ընթերցում
![Արամ Ա-ն Ցեղասպանության տարելիցի առիթով զորակցություն է ստացել Սերբիայի դեսպանից](http://armenpress.am/resized/480/static/news/b/2015/05/804400.jpg)
ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա Վեհափառ Հայրապետը վեհարանի իր գրասենյակում ընդունել է Լիբանանում Սերբիայի դեսպան Ալեքսանդր Ռեսթիչին: Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Այցելության նպատակն էր Հայոց ցեղասպանության 100-րդ տարելիցի առիթով հայ ժողովրդինզորակցություն հայտնելը: Հանդիպմանը քննարկվել են Միջին Արևելքի ընդհանուր իրավիճակը և հայ ու սերբ ժողովուրդների հարաբերությունները:
Նորին Սրբությունը ողջունել է Հայաստանի և Սերբիայի հարաբերությունները զարգացնելու պատրաստակամությունը և շեշտել մարդու իրավունքների հարցերի շուրջ երկու ժողովուրդների համագործակցությունը՝ հանուն արդարության հաստատման: