1 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Գեղարքունիքի մարզի Հայրավանք գյուղի մոտակայքում տեղի է ունեցել ճանապարհատրանսպորտային պատահար. իրար են բախվել «ԳԱԶել» և «ՎԱԶ-2106» մակնիշի ավտոմեքենաները: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարության հասարակայնության հետ կապերի բաժնից, դեպքի վայր է մեկնել ՄՃԿԿ օպերատիվ խումբը:
Պարզվել է, որ բախվել են «ՎԱԶ-2106» մակնիշի 33OT975 պետհամարանիշի, «ՎԱԶ-2107» մակնիշի 34TZ778 պետհամարանիշի և «ԳԱԶել» մակնիշի 1733L պետհամարանիշի ավտոմեքենաները, ինչի հետևանքով Շ. Ղ.-ն, Ա. Ղ.-ն, Շ. Խ.-ն, Մ. Հ.-ն, Ս. Ս.-ն, Գ. Հ.-ն և Վ. Ա.-ն տեղափոխվել են Գավառ քաղաքի ԲԿ: Բժիշկները տուժածների առողջական վիճակը գնահատել են բավարար: