«Մոսկվա» կինոթատրոնը կներկայացնի Ցեղասպանությանը նվիրված հին և նոր ֆիլմեր

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: «Մոսկվա» կինոթատրոնում ապրիլի 23-ին կցուցադրվեն Ցեղասպանությանը նվիրված հին և նոր ֆիլմեր: Ինչպես«Արմենպրես»-ին տեղեկացրին կինոթատրոնից, ֆիլմերից մի քանիսը կցուցադրվեն նաև ռուսերեն և անգլերեն:

Ապրիլի 23-ին ժամը 11:15-ին, 15:15-ին և 17:15-ին կներկայացվի «Սպի» (հայերեն), ժամը՝ 12:00-ին և 18:00-ին «Արարատ» (ռուսերեն), ժամը 13:00-ին, 15:00-ին 17:00-ին «Վանա ծովուն արշալույսը» (հայերեն՝ անգլերեն ենթագրերով), ժամը 14:00-ին «Փրկության քարտեզ» (հայերեն), ժամը 16:00-ին «Արտույտների ագարակը» (ռուսերեն) և ժամը 19:00-ին «Մուսա լեռան քառասուն օրը» (անգլերեն) կինոնկարները: Ապրիլի 25-ին տեղի կունենա «1915» ֆիլմի պրեմիերան, որն ապրիլի 26-ից հայերեն և անգլերեն կցուցադրվի կինոթատրոնում: