1 րոպեի ընթերցում
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հորդանանում գտնվող սիրիացի փախստականների Զաաթարիճամբարն մեծությամբ երկրորդն է աշխարհում: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Սիրիայի սահմանից 10-ը կմ հեռավորության վրա գտնվող ճամբարում ապաստան է գտել 120 հազար մարդ, մեծամասամբ, կանայք և երեխաներ: Համացանցում հրապարակված լուսանկարներում պատկերված է Զաաթարի ճամբարում սիրիացի փախստականների կյանքը:
Ինչ վերաբերում է սիրիական պատերազմին, ապա այդ երկրի ՍԱՆԱ գործակալության տեղեկացմամբ` կառավարական ուժերը երկրի տարբեր հատվածներում շարունակում են պայքարել զինված խմբավորումների դեմ: Լաթաքիա նահանգի հյուսիսի Սալմա, Խան ադ Ջոզ, Քաֆր Դելբա վնակավայրերում սիրիական բանակը զինյաների թաքստոցներ է ոչնչացրել, նաև ոչնչացվել են նրանց զենքերը, զրահամեքենաները: Սպանվել են մեծ թվով ահաբեկիչներ:
Սիրիական բանակը մարտի 13-ին Կունեյտրա մարզում տասնյակ ահաբեկիչերի է ոչնչացրել: Բախումներն ընթացել են Համիդիե և Սուիսա գյուղերում: Աղբյուրը հաստատել է, որ բանակի ստորաբաժանումներից մեկը ահաբեկիչներին լուրջ վնասներ է հասցրել Իդլիբի շրջանի Շաղր, Ռամի Քաֆրջալիս, Բանշ, Թաֆթանազ գյուղերում: