Հայաստանի ռուսական ռազմակայանում մեկնարկել Է «Ուսադիրներով տիկին 2015» մրցույթը

3 րոպեի ընթերցում

ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Հայաստանի ռուսական ռազմակայանում սկսվել Է «Ուսադիրներով տիկին» մրցույթը՝ նվիրված Կանանց միջազգային օրվա՝ Մարտի 8-ի տոնակատարությանը: Ինչպես «Արմենպրես»-ին տեղեկացրել Է ՌԴ Հարավային ռազմական օկրուգի մամուլի ծառայությունը, այս միջոցառումը կազմակերպվել Է զորամասի հրամանատարության նախաձեռնությամբ եւ անցկացվում Է երեք փուլով՝ զինծառայողների թվից ավելի քան 50 մրցորդուհիների մասնակցությամբ:

Առաջին փուլում, որն անվանվում Է «Մարտավարական միավոր», մասնակից կանայք կատարել են ռազմական պատրաստության առաջադրանքներ. հրազենով հրաձգություն, ավտոմոբիլի վարում՝ արգելքների հաղթահարմամբ, խրամատների սարքավորում պառկած հրաձգության համար եւ կտրտված տեղանքով 5 կիլոմետր ցատկ-ռազմերթ՝ լրիվ կարգ ու սարքով:

Երկրորդ փուլի ընթացքում մասնակից կանայք ստեղծագործական կատարմամբ ներկայացրել են իրենց «այցեքարտը», ցուցադրել են վարպետությունը «գերարվեստական ասմունքի» ժանրում՝ դահլիճին գերելով պլաստիկայով, պարերի նրբագեղությամբ, բեմական վերամարմնավորումներով եւ բանաստեղծությունների արտասանությամբ:

«Մրցութային ծրագիրն ստացվեց բովանդակալից, գեղեցիկ, նուրբ եւ կանացի,- նշել Է անձնակազմի հետ աշխատանքի գծով ռուսական ռազմակայանի փոխհրամանատար գնդապետ Ալեքսեյ Պոլյուխովիչը:- Մեր մասնակից կանայք իրենց դրսեւորեցին որպես շատ տաղանդավոր եւ ստեղծագործ աղջիկներ: Գործնականում բոլոր արվեստների գծով նրանք ունակ են դրսեւորելու վարպետություն. խորեոգրաֆիա, վոկալ, նկարչություն, պոեզիա. այս ամենը նրանք ցուցադրեցին մեծագույն հաջողությամբ»:

«Ուսադիրներով տիկին» մրցույթի ամփոփումը կդառնա «Ցուցադրաքայլք» եզրափակչ փուլը, որը տեղի կունենա մարտի 7-ին Սպայի տանը: Մասնակից կանայք պետք Է ցուցադրեն իրենց երեկոյան զգեստները, խորագիտակությունը, պարի եւ երգեցողության վարպետությունը:

Մրցույթի արդյունքներով հաղթողներին կհանձնվեն թանկարժեք նվերներ եւ դիպլոմներ: Մասնակից եւ հանդիսական բոլոր կանանց նաեւ կշնորհավորեն ցուցադրական ելույթներով եւ համերգային ծրագրով՝ միավորման եւ Հայաստանում ՌԴ-ի պաշտպանության նախարարության դպրոցի գեղարվեստական կոլեկտիվների մասնակցությամբ:

Հայերեն Русский

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը