1 րոպեի ընթերցում
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Ամերիկյան Վայոմինգ նահանգի Կասպեր քաղաքի բնակչուհի Շելլի Գոլեյը սիրիահարների տոնի առիթով ծաղկեփունջ է ստացել ամուսնուց, ով… մահացել էր մեկ տարի առաջ:
Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, նրա ամուսինը՝ Ջիմ Գոլեյը, մահացել էր 2014թ. փետրվարին քաղցկեղից: Տեսնելով, որ ծաղիկներն ամուսնուց են, Շելլին կորցրել է խոսելու ունակությունը:
Կապ հաստատելով ծաղկի սրահի հետ՝ Շելլի Գոլեյը պարզել է, որ ամուսինն, իմանալով, որ իրեն հաշված օրեր են մնացել, որոշել է արտասովոր քայլ կատարել: Ջիմ Գոլեյը սրահի աշխատակիցներին խնդրել է ամեն տարի վարդեր ուղարկել իր կնոջը մինչև նրա կյանքի վերջը: