1 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Սիրիայում իշխանական ուժերի դեմ պայքարում սպանվել է հերթական ադրբեջանցին: Ինչպես հաղորդում է «Արմենպրես»-ը, այս մասին ադրբեջանական ԱՊԱ գործակալությանն ասել է զոհված ադրբեջանցու եղբայր Ռուստամ Իսմայիլովը:
Նա նշել է, որ սոցիալական ցանցերից մեկով իրեն հաղորդագրություն է եկել այն մասին, որ Իսմայիլով Իսմայիլ Ռաֆիգօղլուն մահացել է: Ռուստամը փորձել է ճշտել, թե ով է իրեն հայտնել եղբոր մահվան լուրը, սակայն պատասխան չի ստացել, իսկ ավելի ուշ օգտատիրոջ պրոֆիլը ջնջվել է:
Սիրիայում հակակառավարական և իշխանական ուժերի միջև հակամարտության վերսկսումից հետո մեծ թվով ադրբեջանցիներ անցել են իսլամիստական ծայրահեղական ուժերի կողմը: Անցնող 2-3 տարիների ընթացքում Սիրիայում Ասադի ուժերի դեմ մարտերի ժամանակ զոհվել են հարյուրավոր ադրբեջանցի մոջահեդներ: