Կանցկացվի «Հանրային իրազեկումը որպես աղետների ռիսկի նվազեցման կարևորագույն նախապայման» միջազգային համաժողովը
1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ:Սպիտակի աղետալի երկրաշարժի տարելիցին ընդառաջ ՀՀ արտակարգ իրավիճակների նախարարությունն «Արտակարգ ալիք» տեղեկատվական հասարակական կազմակերպության հետ Աղետների ռիսկի նվազեցման ազգային պլատֆորմի շրջանակներում դեկտեմբերի 3-4-ը Երևանում կկազմակերպի երկրորդ միջազգային համաժողովը` «Հանրային իրազեկումը որպես աղետների ռիսկի նվազեցման կարևորագույն նախապայման» խորագրով։ Ինչպես «Արմենպրես»-ին տեղեկացրին ՀՀ ԱԻՆ-ից, այն նպատակ է հետապնդում մեկտեղելու աշխարհի լավագույն փորձը` հանրային իրազեկման, արտակարգ իրավիճակների ու քաղպաշտպանության լրատվության և լրագրողների հետ աշխատանքի ոլորտներում, ինչպես նաև՝ քննարկում կազմակերպել հետագա զարգացումների վերաբերյալ, ձևավորելով 2015 թ. մարտին Սենդայում կայանալիք ԱՌՆ երրորդ համաշխարհային կոնֆերանսին ներկայացվելիք ԱԻ հանրային իրազեկման ոլորտի առաջարկների վերջնական փաթեթը։
Համաժողովին մասնակցելու են նախարարություն-գերատեսչությունների, միջազգային և հասարակական կազմակերպությունների ղեկավարներ, արտասահմանցի փորձագետներ ու լրագրողներ: