1 րոպեի ընթերցում
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Արարատի մարզի Մասիս-Ռանչպար ավտոճանապարհի 1-ին կմ-ին տեղի է ունեցել ճանապարհատրանսպորտային պատահար: «ԶԻԼ» մակնիշի մեքենան, որին ղեկին եղել է 1998 թ. ծնված Ն.Ա.-ն, կողաշրջվել է երթևեկելի հատվածում: Այս մասին «Արմենպրես»-ը տեղեկացավ ՀՀ արտակարգ իրավիճակների նախարարության կայքից:
Մինչ հրշեջ-փրկարարների կանչի վայր հասնելը` տեղի ուժերով ավտոմեքենայից դուրս է բերվել վարորդ Ն. Ա.-ն և տեղափոխվել Մասիս քաղաքի ԲԿ: Բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան, դադարեցրել գազի արտահոսքը և ավտոմեքենան դուրս են բերել երթևեկելի հատված: