1 րոպեի ընթերցում
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ռեյչլ «Բաննի» Մելոնի՝ ամերիկացի միլիարդատեր եւ մեկենաս Փոլ Մելոնի այրու, որն այս տարվա մարտին կյանքից հեռացել Է 103 տարեկան հասակում, մասնավոր հավաքածուն 218 միլիոն դոլարով վաճառվել Է Sotheby's-ի՝ Նյու Յորքում կայացած աճուրդում, տեղեկացնում Է «Արմենպրես»-ը:
Ինչպես հայտնել են Sotheby's-ի ներկայացուցիչները, այդ հավաքածուից երեք առարկա աճուրդով վաճառվել Է՝ յուրաքանչյուրն ավելի քան 30 միլիոն դոլարով: Դրանք աբստրակտ Էքսպրեսիոնիզմի ամերիկացի վարպետ Մարկ Ռոտկոյի (1903 - 1970) երկու կտավներն են եւ 9,75 կարատ քաշով երկնագույն տանձաձեւ ադամանդով կախազարդը:
Ընդհանուր առմամբ հինգ օր տեւած աճուրդում ցուցադրվել Էր ավելի քան 1,5 հազար լոտ՝ արվեստի ստեղծագործություններ, կահույքի իրեր, ոսկերչական զարդեր: Ստացված միջոցների մեծ մասը կուղղորդվի Ջերարդ Լամբերտի անվան բարեգործական հիմնադրամ, որը Ռեյչլ Մելոնը հիմնել Է իր հոր հիշատակին, հաղորդել Է ՏԱՍՍ-ը: