1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Ուկրաինայի Լվովի շրջանում մահացել է վարենիկի (ուկրաինական, խմորից ճաշատեսակ ) ուտելու մրցույթում հաղթողը: Ինչպես հաղորդում է«Արմենպրես»-ը՝ վկայակոչելով ռուսական լրատվամիջոցները, կինը մահացել է հենց բեմի վրա,փառատոնի շրջանակներում:
Մրցույթն անցկացվել է նոյեմբերի 15-ին, Ստրիյ քաղաքում, գյուղատնտեսական մթերքների արտադրողների փառատոնի շրջանակում: 53-ամյա կինը հաղթել է մրցույթում և բեմ է բարձրացել մրցանակը ստանալու համար: Այնտեղ նա կորցրել է գիտակցությունը:
Կնոջ մահվան առիթով քրեական գործ է հարուցվել: