1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Նյու Յորքում հրշեջները փրկել են 2 լուսամուտ լվացողների, ովքեր գտնվում էին «Համաշխարհային առևտրի կենտրոն-1» երկնաքերի 69-րդ հարկում: Ինչպես հաղորդում է«Արմենպրես»-ը՝ վկայակոչելով միջազգային լրատվամիջոցները, լուսամուտ լվացողների հարթակը թեքվել է և հայտնվել վտանգավոր դիրքում:Լուսամուտ լվացող երկու տղամարդիկ բարձրության վրա աշխատելու մեծ փորձ ունեին, նրանց անվտանգությունն ապահովող պարաններ էին ամրացված: Փրկարարները կոտրել են լուսամուտը և նրանց ներս տարել:
Երկնաքերը համարվում է ԱՄՆ-ում ամենաբարձրը` 540 մետր:Այն կառուցվել է ներքին Մանհեթենում` 2001թ.-ի սեպտեմբերի 11-ի ողբերգությունից հետո: