Արամ Ա Կաթողիկոսը մեկնել է Իրան

ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա Կաթողիկոսը հոկտեմբերի 15-ի առավոտյան հովվապետական այցելությամբ մեկնել է Իրան: Այս մասին «Արմենպրես»–ը տեղեկացավ Կիլիկիո կաթողիկոսության պաշտոնական կայքից: Վեհափառ Հայրապետը Թեհրանում և Նոր Ջուղայում կայցելի ծխական եկեղեցիներ և դպրոցներ, հանդիպումներ կունենա թեմական մարմինների ու պետական պատասխանատուների հետ: Կաթողիկոսը նաև կգլխավորի մշակութային և կրոնական հանդիսությունները և իր պատգամը կփոխանցի մեր ժողովրդի զավակներին:

Վեհափառ Հայրապետի այցելությունը կտևի 2 շաբաթ: