3 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկյան Forbes հանդեսը կազմել Է աշխարհի ամենաբարձր վարձատրվող գրողների ավանդական վարկանիշը: Ինչպես տեղեկացնում Է «Արմենպրես»-ը, ցուցակը հրապարակվել Է հրատարակության կայքում:
Forbes-ի վարկանիշ իր մուտքը միանգամից վեցերորդ տեղով Է նշանավորել 26-ամյա ամերիկուհի Վերոնիկա Ռոտը, որի «Դիվերգենտը» գիրքն Էկրանավորվել Է այս տարի: ԱՄՆ-ում Ռոտի վեպերը վերջին տարվա ընթացքում վաճառվել են ավելի քան 7 միլիոն օրինակ տպաքանակով: Գրողի միագումար եկամուտը, Forbes-ի հաշվարկների համաձայն, կազմել Է 17 միլիոն դոլար: «Դիվերգենտը» Ռոտի վեպ-հակաուտոպիաներից առաջինն Է: Գրողը դարձել Է Forbes-ի այդ վարկանիշի ամենաերիտասարդ մասնակիցը:
Բացի նրանից, ամենաբարձր վարձատրվող գրողների ներկայիս ցուցակում առաջին անգամ ներկայացվել են «Անհետացածը» բեսթսելլերի հեղինակ Հալլիան Ֆլինը (9 մլն դոլար) եւ Ջոն Հարին (9 մլն դոլար), որի վեպի հիման վրա նկարահանված «Աստղերն են մեղավոր» ֆիլմն այս տարի ամենաշահութաբերներից մեկն Է դարձել:
Վարկանիշում առաջին տեղը կրկին զբաղեցրել Է թրիլերների ու դետեկտիվների հեղինակ ամերիկացի Ջեյմս Պատերսոնը, որը վերջին 12 ամսվա ընթացքում վաստակել Է 90 մլն դոլար: Նա հայտնի Է որպես տեսուչ Ալեքս Քրոսսի եւ դետեկտիվ Մայքլ Բեննեթի մասին պատմող մի շարք գրքերի հեղինակ: Նա նաեւ ավելի քան տասը վեպ Է գրել «Սպանությունների հետաքննությունների կանանց ակումբ»-ի հովանու ներքո:
Վարկանիշի երկրորդ տեղում ամերիկացի Դեն Բրաունն Է, որն անցած տարում վաստացել Է 28 մլն դոլար: Նրա վերջին գիրքը՝ «Ինֆեռնո»-ն, որի գլխավոր հերոսը վերստին դարձել Է պրոֆեսոր Ռոբերտ Լենգդոնը, լույս Է տեսել 2013 թվականին եւ ԱՄՆ-ում վաճառվել ավելի քան 1,4 մլն օրինակով: Ըստ որոշ տվյալների՝ վեպը Էկրանավորվելու Է:
Երրորդ հորիզոնականն զբաղեցրել Է ամերիկացի գրող, դետեկտիվ ու սիրային վեպերի հեղինակ Նորա Ռոբերտսը: Նրա եկամուտը կազմել Է 23 մլն դոլար: Չորրորդ տեղում սիրային վեպերի եւս մեկ հեղինակ՝ ամերիկուհի Դանիելա Սթիլն Է (22 մլն դոլար): Առաջատարների հնգյակը եզրափակում Է ամերիկուհի Ջանեթ Իվանովիչը (20 մլն դոլար):
Ամենաբարձր վարձատրվող հեղինակների տասնյակում տեղ են գտել նաեւ «Թույլիկի օրագիրը» ստեղծագործության հեղինակ ամերիկացի Ջեֆ Քիննին (17 մլն դոլար), «սարսափների արքա» Սթիվեն Քինգը (17 մլն դոլար), «Քաղցած խաղեր» եռերգության հեղինակ Սյուզեն Քոլինզը (16 մլն դոլար) եւ Հարրի Փոթերի մասին գրքերի շարքի հեղինակ Ջոան Ռոուլինգը (14 մլն դոլար), հաղորդել Է «Ինտերֆաքս»-ը: