1 րոպեի ընթերցում
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Բռնցքամարտի գերթեթև քաշային կարգում WBA, WBO, WIBF վարկածներով աշխարհի չեմպիոնուհի Սյուզի Կենտիկյանը պատրաստվում է հաջորդ` 2015 թվականին կանանց մարզադպրոց բացել Հայաստանում:
«2015 թվականի թվականին ցանկություն ունեմ բռնցքամարտի մարզադպրոց բացել Հայաստանում: Այդ ամենը դեռ պլաններ են, ամեն ինչ կլինի հաջորդ տարի: Իսկ հետագայում Հայաստանում մարզիչ աշխատել դեռ չգիտեմ: Սակայն հիմա էլ անհատական մարզումներ եմ անցկանում մարդականց հետ»,-«Արմենպրես»-ի հաղորդմամբ, այս մասին լրագրողների հետ հանդիպման ժամանակ ասաց Կենտիկյանը:
Կենտիկյանը ընտանիքի հետ Գերմանիա է տեղափոխվել 1996 թվականին: Պրոֆեսիոնալ բռնցքամարտով զբաղվում է 2005 թվականից: WBA, WBO, WIBF վարկածներով աշխարհի չեմպիոն է: