«Փյունիկ»-ն ուղևորվել է Ղազախստան

ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: Եվրոպայի լիգայի խաղարկությանը մասնակցող «Փյունիկ»-ն այսօր երեկոյան 18 ֆուտբոլիստներով ուղևորվել է Ղազախստան՝ Երևան-Մոսկվա-Աստանա տրանզիտ չվերթով: Թիմը մրցավայր կժամանի լուսադեմին՝ տեղի ժամանակով 05:25-ին:

Ինչպես «Արմենպրես»-ին տեղեկացրին երևանյան ակումբի լրատվական ծառայությունից, հուլիսի 10-ին կայանալիք «Աստանայի» հետ պատասխան մրցավեճը բաց կթողնի հարձակվող Սարգիս Բալոյանը, ով այսօր մարզմանը մկանային վնասվածք ստացավ ու չկարողացավ մեկնել թիմի հետ:

Վաղը՝ հուլիսի 9-ին, «Փյունիկը» կանցկացնի մարզում «Աստանա Արենա»-ում, որը կլինի վերջինը ղազախական թիմի հետ հանդիպումից առաջ:

«Փյունիկ»-ը Ղազախստան է մեկնել հետևյալ կազմով.

Արթուր Հարությունյան

Ալբերտ Օհանյան

Տարոն Ոսկանյան

Վասպուրակ Մինասյան

Գրիգոր Հովհաննիսյան

Արթուր Յուսպաշյան

Գոռ Մալաքյան

Վարազդատ Հարոյան

Գագիկ Պողոսյան

Աղվան Պապիկյան

Ռազմիկ Հակոբյան

Կարեն Եսայան

Նարեկ Ասլանյան

Դավիթ Մարկոսյան

Ռոբերտ Հակոբյան

Կամո Հովհաննիսյան

Հովհաննես Պողոսյան

Ղուկաս Պողոսյան:

Թիմերի առաջին հանդիպումն ավարտվել էր «աստանա»-ի` 4:1 հաշվով առավելությամբ: