Ըստ Սերգեյ Լավրովի՝ Կոսովոյի անկախության միակողմանի հռչակումը շղթայական ռեակցիա կհարուցի աշխարհում
1 րոպեի ընթերցում
ՆԻԿՈՍԻԱ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը հայտարարել է, որ Կոսովոյի անկախության միակողմանի հռչակումը միջազգային իրավունքի խախտում կլինի եւ շղթայական ռեակցիա կհարուցի աշխարհում: «Կոսովոյի անկախության միակողմանի հռչակումը, այդ անկախության անօրինական ճանաչումը, իհարկե, առանց հետեւանքների չի մնա, որովհետեւ շղթայական ռեակցիա կհետեւի թե Բալկաններում, թե մյուս տարածաշրջաններումե,-ասել է նախարարը՝ ամփոփելով Կիպրոսի նախագահի հետ այսօր կայացած հանդիպման արդյունքները: Լավրովն ասել է, թե «նրանք, ովքեր նման ծրագրեր ունեն, պետք է լիովին գիտակցեն իրենց պատասխանատվությունըե: