Դամասկոսի Յարմուք ճամբարին մարդասիրական օգնություն է տրամադրվել

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Սիրիայում պաղեստինցի փախստականներին մարդասիրական օգնություն է տրամադրվել: Ինչպես հաղորդում է «Արմենպրես»-ը, վկայակոչելով սիրիական ՍԱՆԱ գործակալությունը, այն տրամադրել է Սիրիայում պաղեստինցի փախստականների գլխավոր միությունը` Սիրիայի կառավարության աջակցությամբ: 800 փաթեթ մարդասիրական օգնությունը կբաժանվի Դամասկոսի մերձակայքում գտնվող Յարմուք ճամբարի պաղեստինցի փախստականներին:

Պաղեստինցի փախստականների միության ղեկավար Ալի Մուստաֆան հայտարարել է, որ ճամբարից դուրս է բերվել պաղեստինցի5 ծանր հիվանդ: Նա նաև ավելացրել է, որ 2014թ.-ի սկզբից պաղեստինցիներին բաժանվել է 20 հազար օգնության փաթեթ: