Արամ Ա կաթողիկոսը Քեսաբի վերաբերյալ նամակ է ստացել ՄԱԿ-ի փախստականների հարցերով պատասխանատուից
1 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Մեծի Տանն Կիլիկիո Արամ Ա. Կաթողիկոսը մայիսի 3-ի առավոտյան նամակ է ստացել ՄԱԿ-իփախստականների հարցերովընդհանուր պատասխանատուՎալերի Ամոսից: Ինչպես հաղորդում է«Արմենպրես»-ը`վկայակոչելով Մեծի Տանն Կիլիկիո Կաթողիկոսության ֆեյսբուքյան պաշտոնական էջը,Վալերի Ամոսը շնորհակալություն է հայտնել Վեհափառ Հայրապետին` իր հետ ունեցած հանդիպման համար և վստահեցրել, որ շարունակում է զբաղվել Քեսաբի գաղթականների հարցերով և օգնություն ցուցաբերել նրանց:
Քեսաբի հարցը շարունակում է մնալ Մեծի Տանն Կիլիկիո Արամ Ա. Կաթողիկոսի և Ազգային կեդրոնական վարչության ուշադրության կենտրոնում: Առավոտյան Բերիոյի թեմի առաջնորդ Գերաշնորհ Տեր Շահան Արքեպիսկոպոս Սարգսյանը միաբանության երկու հայրերի ուղեկցությամբ մեկնել է Լաթաքիա, որպեսզի հանդիպի Քեսաբի գաղթականների հետ և բանակցություններ վարի պատասխանատու կառույցների ներկայացուցիչների հետ: