Անթիլիասում Արամ Ա կաթողիկոսը Միջին Արևելքի եկեղեցականների հետ քննարկել է փոխգործակցության հարցեր
1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Անթիլիասի Մայրավանքում ապրիլի 8-ին եկեղեցական հանդիպում է անցկացվել Մեծի Տանն Կիլիկիո կաթողիկոս Արամ Առաջինի նախագահությամբ: Հանդիպմանը ներկա են գտնվել Կաթոլիկ ասորիների պատրիարք Եուհան, ասորի մետրոպոլիտ ԺորԺ Սալիպան, Միջին Արեւելքի Եկեղեցիների խորհրդի Լիբանանի գործադիր վարչության անդամներ և միջեկեղեցական շարժմանը նյութապես նպաստող Հոլանդականու Շվեդական եկեղեցիների ներկայացուցիչները: «Արմենպրես»-ի հաղորդմամբ՝հանդիպումից առաջ Հոլանդիայի և Շվեդիայի եկեղեցիներիներկայացուցիչները ՄԱԵԽ ընդհանուր քարտուղարի հետ առանձին հանդիպում են ունեցել Վեհափառ Հայրապետի հետ: Խորհրդակցության առանցքն է կազմել Միջին Արեւելքի եկեղեցիներին տրվող աջակցությունն ավելի կազմակերպելու հրամայականը:
Արամ Ա Կաթողիկոսն ընդգծել է Միջին Արեւելքի Եկեղեցիների խորհրդի աշխատանքներին նոր մղում տալու անհրաժեշտությունը՝ նկատի ունենալով Միջին Արեւելքում քրիստոնեաներին սպառնացող մարտահրավերները: