ՄԱԿ-ի գլխավոր քարտուղարը կոչ Է արել Օլիմպիադայի ընթացքում դադարեցնել բոլոր ռազմական հակամարտությունները
1 րոպեի ընթերցում
![ՄԱԿ-ի գլխավոր քարտուղարը կոչ Է արել Օլիմպիադայի ընթացքում դադարեցնել բոլոր ռազմական հակամարտությունները](http://armenpress.am/resized/480/static/news/b/2014/02/749047.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը կոչ Է արել Սոչիի Օլիմպիական խաղերի անցկացման ընթացքում ամբողջ աշխարհում դադարեցնել ռազմական հակամարտությունները: Այս մասին, ինչպես տեղեկացնում Է «Արմենպրես»-ը, նա հայտարարել Է Սոչիում Միջազգային օլիմպիական կոմիտեի (ՄՕԿ) 126-րդ գլխավոր ասամբլեայում ունեցած ելույթի ժամանակ:
Պան Գի Մունը ողբերգություն Է համարել այն, որ աշխարհում ոչ բոլոր ռազմական հակամարտություններն են դադարեցվել: «Դա լուրջ անհանգստություն Է առաջացնում: Ես բոլորին կոչ եմ անում վայր դնելու զենքը թեկուզեւ Սոչիի Խաղերի ընթացքում»,- ասել Է նա՝ պատասխանելով ԻՏԱՌ-ՏԱՍՍ-ի այն հարցին, թե ինչու Է աշխարհի մի շարք երկրներում տակավին արյուն հեղվում:
ՄԱԿ-ի գլխավոր քարտուղարն առաջին անգամ Է մասնակցել ՄՕԿ-ի նստաշրջանին, որին նրան հրավիրել Էր կազմակերպության ղեկավար Թոմաս Բախը: