1 րոպեի ընթերցում
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանը շախմատի գերհզորների նոր սերունդ է պատրաստում: Երկրի ներկայացուցիչ Արամ Հակոբյանը հռչակվեց մինչև 12 տարեկանների աշխարհի չեմպիոն: Ինչպես «Արմենպրես»-ին տեղեկացրին Հայաստանի շախմատի ֆեդերացիայից, Երեւանցի Արամ Հակոբյանը ԱՄԷ-ի Ալ Էյն քաղաքում ավարտված աշխարհի պատանեկան առաջնությունում Մ12 խմբում, չկրելով ոչ մի պարտություն եւ 11 հնարավորից վաստակելով 9,5 միավոր, նվաճեց աշխարհի չեմպիոնի տիտղոսը:
Հայաստանի 28 ներկայացուցիչներ մասնակցում են դեկտեմբերի 18-28-ը ԱՄԷ-ի Ալ Էյն քաղաքում անցկացվող աշխարհի Մ8-Մ18 պատանեկան առաջնություններին: