1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևն ընդունել է Հարավային Կովկասի հարցերով Եվրամիության հատուկ ներկայացուցիչ Ֆիլիպ Լեֆորին: Ինչպես հաղորդում է «Արմենպրես»-ը, այս մասին տեղեկացնում է ադրբեջանական APA գործակալությունը:
Հանդիպման ընթացքում կողմերը մտքեր են փոխանակել ԵՄ և Ադրբեջանի միջև համագործակցության վերաբերյալ: ԵՄ հատուկ ներկայացուցիչն Ադրբեջանի նախագահի հետ քննարկել է նաև Լեռնային Ղարաբաղի հիմնախնդրի կարգավորմանն առնչվող հարցեր:
Միաժամանակ Լեֆորը շնորհավորել է Ալևին Ադրբեջանի նախագահի պաշտոնում վերընտրվելու կապակցությամբ: