1 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ։Կեսգիշերին ՌԴ Սամարայի մարզում տեղի ունեցած ճանապարհատրանսպորտային պատահարի ենթադրյալ մեղավորն Ուզբեկստանի քաղաքացի է։ Այս մասին հայտնել է ՌԴ Ճանապարհային երթևեկության անվտանգության պետական տեսչության Սամարայի տարծաշրջանային վարչության պետի պաշտոնակատար Վիկտոր Միտնիկը։ Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ն, Միտնիկը տեղեկացրել է, որ միայն 2013թ.-ին այդ քաղաքացին 14 անգամ պատասխանատվության է կանչվել ՃՏ երթևեկության կաննոնները խախտելու համար։
Հոկտեմբերի 12-ի լույս 13-ի կեսգիշերին մոտ, Սամարայի Բոլշեչեռնիգովսկի շրջանում, Մ-32 մայրուղու վրա Ուզբեկստանի քաղաքացու վարած, Նիժնի Նովգորոդի պետհամարանիշով Toyota միկրոավտոբուսը դուրս է եկել հանդիպակաց երթևեկության գիծ և բախվել Ղազախստանից եկող Mercedes ավտոֆուրգոնին։ Երկու մեքենաներն էլ հարվածից դուրս են թռել ճանապարհից, միկրոավտոբուսի գազի բալոնների բախումից դրանք պայթել են, և դրա 13 ուղևորները չեն կարողացել դուրս գալ մեքենայից ու տեղում այրվել են։ Միկրոավտոբուսի կալանավորված վարորդը հիվանդանոցում է։
Լուսանկարը՝ «Ռիա Նովոստի» - ՌԴ ԱԻ նախարարության