368.45
Հայաստանն ու Վրաստանը մշակում են դատախազությունների միջեւ համագործակցությունը զարգացնելու նոր ուղիներ
1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության գլխավոր դատախազ Աղվան Հովսեփյանը հունիսի 17-ին ընդունել է Վրաստանի արդարադատության նախարար տիկին Թեա Ցուլուկիանիի գլխավորած պատվիրակությանը։
«Արմենպրես»-ի հաղորդմամբ՝ հանդիպման ընթացքում քննարկվել են երկու երկրներում իրականացվող դատաիրավական բարեփոխումներին, դատախազական համակարգերի առանձնահատկություններին վերաբերող հարցեր։
Հյուրի խնդրանքով ՀՀ գլխավոր դատախազը մանրամասնել է նաեւ թմրամիջոցների ապօրինի շրջանառության դեմ պայքարում Հայաստանի դրական փորձը, արձանագրված ձեռքբերումներն ապահովելու ուղղությամբ իրականացված քայլերը։ Կողմերը պայմանավորվել են շարունակել փոխգործակցությունը՝ նախանշելով երկու երկրների դատախազությունների միջեւ համագործակցությունը զարգացնելու նոր ուղղություններ։
Բաժանորդագրվեք մեր ալիքին Telegram-ում