1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի 1–ին խմբի առաջնության չեմպիոն «Ալաշկերտը» մայիսի 23–ին Ավանի Ֆուտբոլի ակադեմիայում ընկերական հանդիպում կանցկացնի ՀՀ մինչև 19 տարեկանների ազգային հավաքականի հետ:
Խաղը կսկսվի ժամը 16:00-ին: Ինչպես «Արմենպրես»-ին տեղեկացրին «Ալաշկերտ» ֆուտբոլային ակումբի մամուլի քարտուղարությունից, Հայաստանի պատանեկան հավաքականը գլխավոր մարզիչ Աբրահամ Խաշմանյանի ղեկավարությամբ մայիսի 20–26-ը մարզական հավաք է անցկացնում ՀՖՖ տեխնիկական կենտրոն Ֆուտբոլի ակադեմիայում, և այս հանդիպումն այդ հավաքի շրջանակներում պլանավորված երկու ընկերական խաղերից առաջինն է: