1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Սիրիայի հարցում Ռուսաստանի դիրքորոշումը չի փոխվել. հակամարտող կողմերը պետք Է դադարեցնեն բռնությունը եւ նստեն բանակցությունների սեղանի շուրջ: Այդ մասին, ինչպես տեղեկացնում Է «Արմենպրես»-ը, ապրիլի 29-ին Մոսկվայում կայացած մամուլի ասուլիսում հայտարարել Է ՌԴ-ի արտաքին գործերի նախարար Սերգեյ Լավրովը:
«Լիբանանում եւ տարածաշրջանի մյուս երկրներում կան քաղաքական գործիչներ, որոնք կցանկանային ցանկալին որպես իրականություն ներկայացնել: Այդպես հավանաբար լինում Է ամեն մի երկրում: Բայց մեր դիրքորոշման մեջ ոչ մի փոփոխություն տեղի չի ունեցել: Հակամարտության հենց սկզբից մենք հորդորում Էին բոլոր նրանց, ովքեր կարող են ազդել իրադրության վրա, որեւիցե մեկի կողմը չբռնել, այլ պահանջել բոլոր կռվողներից՝ դադարեցնել բռնությունը եւ բանակցություններ սկսել առանց նախապայմանների»,- ասել Է Լավրովը՝ մեկնաբանելով լիբանանյան մամուլի հաղորդագրություններն այն մասին, թե Սիրիայի հարցում Ռուսաստանի դիրքորոշումը փոփոխություններ Է կրել: