368.59
Սերգեյ Լավրովը Կիպրոսի ԱԳ նախարարին հրավիրել է Մոսկվա
1 րոպեի ընթերցում
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը հեռախոսազրույցի ժամանակ Կիպրոսի ԱԳ նախարար Իոաննիս Կասուլիդիսին հրավիրել է Մոսկվա: Ինչպես հաղորդում է «Արմենպրես»-ը` վկայակոչելով «Ռիա-նովոստին», այդ մասին տեղեկացրել է Կիպրոսի ԱԳ նախարարությունը: «Հրավերն ընդունվել է, այցի ժամանակացույցը կհստակեցվի դիվանագիտական ալիքներով»,- նշվում է տեղեկատվության մեջ:
Հեռախոսազրույցի ժամանակ նախարարները քննարկել են ընդհանուր հետաքրքրություն ներկայացնող հարցեր և վերահաստատել երկու երկրների միջև առկա կապերի բարձր մակարդակը:
Կիպրոսը վերջին շրջանում հայտնվել է ֆինանսական ծանր կացության մեջ: Ճգնաժամը հաղթահարելու համար Եվրամիությունն այդ երկրին հատկացրել է 10 մլրդ եվրոյի վարկ:
Բաժանորդագրվեք մեր ալիքին Telegram-ում