Գավառում հիմնանորոգվել եւ վերաօծվել է Սուրբ Կարապետ եկեղեցին

2 րոպեի ընթերցում

ԳԱՎԱՌ, 19 ՆՈՅԵՄԲԵՐ, ԱՐՄԵՆՊՐԵՍ: Գավառ քաղաքում հիմնանորոգվեց եւ վերաբացվեց Սուրբ Կարապետ եկեղեցին, որը 106 տարվա լռությունից հետո իր դռները բացեց հավատավոր մարդկանց առջեւ:

Ինչպես «Արմենպրես»-ին տեղեկացրեց Գեղարքունյաց թեմի առաջնորդ Մարկոս եպիսկոպոս Հովհաննիսյանը` 1906 թվականին Գավառի Սբ. Աստվածածին եկեղեցու շինարարությունից եւ գործող եկեղեցի դառնալուց հետո Սբ. Կարապետը, որը բայազետցիները Բարսեղ Արծրունի իշխանի հովանավորությամբ կառուցել էին 1848 թվականին, աստիճանաբար լքվում եւ անուշադրության է մատնվում:

«Խորհրդային կարգերի փլուզումից հետո` մեր ժողովրդի հոգեւոր վերածննդի ու ամրապնդման ժամանակներում, Սբ. Կարապետ եկեղեցին խոնարհ ու լուռ սպասում է նորոգության իր հերթին: Նորբայազետցիների առաջին հավատո տունը նորոգելու գաղափարի շուրջ Գավառ քաղաքում եւ դրա սահմաններից դուրս ապրող շուրջ 65 համաքաղաքացիների է համախմբում ծնունդով գավառցի Սամվել Սինանյանը: Եկեղեցու նորոգման աշխատանքները, որոնք սկսվում են այս տարվա մայիսից, ընթանում են նրա անմիջական հսկողության և ուշադրության ներքո` նոյեմբերի երկրորդ կեսին պատրաստ լինելով վերաօծման: Տեղադրվել է նաեւ եկեղեցու զանգակատունը, որը քանդվել եւ անհետացել էր խորհրդային ժամանակներում»,-ասաց Գեղարքունյաց թեմի առաջնորդը:

Բազիլիկ ոճի Սուրբ Կարապետ եկեղեցու վերաօծման արարողությունը նոյեմբերի 18-ին վերաճեց ժողովրդական տոնախմբության: Իրադարձությունը նշանավորվեց նաեւ 25 երեխաների կնունքով: Նույն օրը, ի թիվս հայաստանյայց առաքելական բոլոր եկեղեցիների, պատարագ մատուցվեց նաեւ Գավառի Սբ.Կարապետ եկեղեցում` ձեռամբ Գեղարքունյաց թեմի առաջնորդ Մարկոս եպիսկոպոս Հովհաննիսյանի:

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը