ԲՀԿ-«Ժառանգություն» հանդիպմանը միասնական թեկնածուի հարց չի քննարկվել. Հովսեփ Խուրշուդյան
1 րոպեի ընթերցում
![ԲՀԿ-«Ժառանգություն» հանդիպմանը միասնական թեկնածուի հարց չի քննարկվել. Հովսեփ Խուրշուդյան](http://armenpress.am/resized/480/static/news/b/2012/11/699298.jpg)
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: «Ժառանգություն» և «Բարգավաճ Հայաստան» կուսակցությունների` նոյեմբերի 12-ին «Ժառանգության» գրասենյակում կայացած հանդիպման ժամանակ քննարկվել են մի շարք ներքաղաքական հարցեր: Այս մասին «Արմենպրես»-ի հետ զրույցում տեղեկացրեց «Ժառանգության» մամուլի խոսնակ Հովսեփ Խուրշուդյանը:Հիմնական քննարկումները եղել են «Բարգավաճ Հայաստան»-ի առաջարկած 100 տոկոսանոց համամասնական ընտրակարգի և կառավարման խորհրդարանական համակարգի անցելու հարցերի շուրջ: «Իրենք իրենց օրակարգի ընդհանուր հարցեր առաջ քաշեցին, «Ժառանգությունն» էլ ներկայացրեց իր օրակարգին վերաբերող հացեր»,- ասաց Խուրշուդյանը` հավելելով, որ հանդիպման արդյուքները ներկայացնելու են կուսակցության վարչությանը, որից հետո կորոշվի, թե որքանով է նպատակահարմար շարունակել այս հանդիպումները:Խուրշուդյանի խոսքով` միասնական թեկնածու առաջադրելու հարցը չի քննարկվել:
Հանդիպմանը «Բարգավաճ Հայաստան» կուսակցությունից ներկա են եղել Վարդան Օսկանյանը և Նաիրա Զոհրաբյանը, իսկ «Ժառանգություն»-ից Հովսեփ Խուրշուդյանը և Արմեն Մարտիրոսյանը: