1 րոպեի ընթերցում
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Հունաստանի իշխող Նոր դեմոկրատիա կուսակցության մի խումբ պատգամավորներ երկրի արտաքին գործերի նախարարությունից պահանջել են Հունաստանից վռնդել Արեւմտյան Թրաքիայում Թուրքիայի գլխավոր հյուպատոս Իլհան Շահինին: Ինչպես հաղորդում է «Արմենպրես»-ը` վկայակոչելով թուրքական ԶԼՄ-ները, որպես պատճառ հույն պատգամավորները նշել են, որ Հունաստանում իր գործունեությամբ թուրք դիվանագետը «վնաս է հասցնում երկու ժողովուրդների միջեւ հարաբերություններին եւ խառնակչի դեր է խաղում»:
Հունաստանի խորհրդարանում տարածվել է Սուսուրքյոյի իմամի` Գյումուլջինի մուֆտիին հղած նամակի պատճենը, որում նշվում է, որ Շեներն ազդեցություն է ունեցել Հունաստանում մահմեդական համայնքի եւ մուֆտիի ընտրությունների վրա:
Հունաստանում Թուրքիայի դեսպան Քերիմ Ուրասը հարցի հետ կապված կանչվել է Հունաստանի ԱԳՆ, որտեղ նրան հայտնել են, որ հունական կառավարությունը պատրաստվում է Իլհան Շեների գործունեության հետ կապված նոտա հղել Անկարային: