1 րոպեի ընթերցում
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Հեղինակավոր Eurosport.ru-ն, մեկնաբանելով Աշխարհի 2014 թվականի ընտրական փուլի «Բ» խմբի Հայաստան-Իտալիա հանդիպումը, նշել է, որ Հայաստանի հավաքականը տարեցտարի լավացնում է իր խաղի որակը՝ ցուցադրելով էլ ավելի գրավիչ և տեխնիկապես գրագետ ֆուտբոլ: Ինչպես հաղորդում է «Արմենպրես»-ը, ահա թե ինչպես է մեկնաբանել Eurosport.ru-ն մեր ընտրանու ցուցադրած խաղը. «Պրանդելիի սաները հաստատեցին ֆավորիտի իրենց կարգավիճակը և միավորներ չկորցրեցին ավելի թույլ մրցակցի դեմ պայքարում՝ դուրս գալով խմբում առաջին տեղ: Առջևում «Սկուադրա աձձուրային» սպասվում են էլ ավելի բարդ մրցավեճեր, այդ թվում նաև` Հայաստանի հետ պատասխան հանդիպումը, որը տարեցտարի լավացնում է որակը՝ ցուցադրելով ավելի գրավիչ և տեխնիկապես զարգացած խաղ»:
Երևանի «Հրազդան» մարզադաշտում կայացած խաղում մեր թիմը 1:3 հաշվով պարտություն կրեց Իտալիայի ընտրանուց` չնայած ցուցադրած գեղեցիկ և դիտարժան խաղին: