1 րոպեի ընթերցում
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Հալեպի հայկական թաղամասերում արդեն մի քանի օր է իրավիճակն ավելի հանգիստ է եւ էական փոփոխություններ տեղի չեն ունեցել: Ինչպես«Արմենպրես»-ին տեղեկացրեց Հալեպի ազգային առաջորդարանի մամլո խոսնակ Ժիրայր Ռեյիսյանը, բնակիչներն աստիճանաբար վերադառնում են իրենց առօրյա կյանքին, փորձում են մաքրել եւ վերականգնել վնասված տարածքները: Ռեյիսյանը նշեց նաեւ, որ փակ շուկայի մոտակայքում զինյալների եւ կառավարական ուժերի միջեւ բախումները դեռշարունակվում են:Ինչ վերաբերում է հայաշատ Քեսաբում եւ Ղամիշլիում տիրող իրավիճակին, ապա Ռեյիսյանի խոսքով, այնտեղ իրավիճակը եւս խաղաղ է:
Արաբական լրատվամիջոցները եւս տեղեկացնում են, որ հին շուկաների շրջանում բախումները շարունակվում են, սակայն տուժածների վերաբերյալ տեղեկություններ չեն հաղորդվում:
Ավելի վաղ տեղեկություններ էին ստացվել, որ նախորդ շաբաթվա ընթացքում հրդեհների պատճառով շուրջ 500 խանութներ եւ առեւտրի կենտրոններ են այրվել:
Սիրիայում ավելի քան 18 ամիս շարունակվող բախումների հետեւանքով զոհվել է մոտ 30 հազար մարդ, այդ թվում` երկու տասնյակից ավելի սիրիահայեր: