1 րոպեի ընթերցում
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց կաթողիկոսը սեպտեմբերի 12-ին Վատիկանում հանդիպում է ունեցել Հռոմի պապ Բենեդիկտոս 16-րդի հետ: «Արմենպրես»-ի հետ զրույցում այս մասին նշեց Մայր Աթոռ Սուրբ Էջմիածնի տեղեկատվական համակարգի տնօրեն Տեր Վահրամ քահանա Մելիքյանը: «Վատիկանում Պապի հետ հանդիպումը եղել է մասնավոր և մանրամասներ հնարավոր չէ փոխանցել»,-հավելեց նա:
Գարեգին Բ Ծայրագույն Պատրիարք և Ամենայն Հայոց կաթողիկոսը Վենետիկ է մեկնել սեպտեմբերի 10-ին Ֆրանսիայի Նիս քաղաք կատարած հովվապետական այցից հետո: