1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան բողոքարկել է Բուլղարիա-Հայաստան հանդիպման այն դրվագները, որոնք ֆուտբոլի ազգային ֆեդերացիաներն, ըստ ՖԻՖԱ-ի կանոնակարգերի, իրավունք ունեն բողոքարկելու:Դրանք բացառապես կապված են ֆուտբոլային խաղի կանոնների հետ:
Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից, բողոքարկման մանրամասները հրապարակել ՀՖՖ-ն դեռեւս նպատակահարմար չի գտնում, քանի որ դրանք դեռ դրվելու են քննարկման: Ֆուտբոլային հանդիպման կազմակերպման, կարգապահական հարցերի եւ մի շարք այլ դրվագների շուրջ զեկույց ներկայացնելու եւ դրանք արձանագրելու իրավունքը պատկանում է ՖԻՖԱ-ի կոմիսարին եւ ոչ ազգային ֆեդերացիաներին: